Ingvar Moe

Gleda er mest alt for stor til å bera.
Hei du vesle, velkommen til jord!
Ubrukt er livet ditt, open ligg verda
og ventar, og gler seg til dine spor.

Ekteskap er to om alt,
to om bankbok, sukker, salt,
oppvaskbenk og lengt og håp,
fjernsynsskjerm og kjøleskåp,
godlynt drøs, og dumme tretter,
varme bein i kalde netter,
to om siger, to om tap,
Først og fremst er ekteskapet
ein å dela natt og dag med
og ein venn å le i lag med.

Bakom denne store svingen
på ein ukjend framtidsveg
ventar det kan henda ingen
som kan styra dine steg.
Kva du gjer og kva som hender,
kor du fer og koss det ender
- det er berre opp til deg.